Admin
صاحب الموقع
 عدد الرسائل : 473
العمر : 44
تاريخ التسجيل : 23/07/2006
 |  موضوع: ماسك الارز لتنضيف البشره ( مجرب 100%) الإثنين 31 يوليو - 2:13 | |
|
عندى ليكو ماسك انما ايه بجد حلو موت ... ماسك من الارز والماء فقط لتنضيف البشره
الماسك لجميع انواع البشرات ... ومجرب على البشره الدهنيه والعاديه والمركبه وجاب نتيجه هايله
بس اهم حاجه تقفيل مسام البشره بعد الماسك .. بالطرق الموضحه فى التكست
اتمنى الماسك يعجبكو .... وتكتبولى رايكو..
ماسك الارز
==============
المكونات :
ارز وماء
الطريقه :
تجيبى شويه رز وتطحنيهم فى مطحنه التوابل لغايه لما يكونو ناعمين وبعدين تاخدى شويه منهم وتحطيهم على النار وعاليهم شويه ميه وتعمليهم عجينه .. بس لازم تكون متماسكه ..
ولغايه لما العجينه تبرد ... تعملى حمام البخار علشان تجهزى بشرتك لاستقبال الماسك وده بتفتيح المسام
ازاى تعملى حمام البخار ؟ اقولك ازاى يا قمر ..
بتجيبى فوطه وتحطيها تحت مياه سخنه على قد ماتقدرى وتعصريها وتحطيها على بشرتك شويه .. ولما تحسى انها بردت ترجعى تحطيها تحت مياه سخنه تانى وترجعى تعصريها وترجعى تحطيها على بشرتك وهكذا ...بتاع 3 او 4مرات بالكتير بس زى ماقلت لازم تكون المياه سخنه قوى علشان يجيب نتيجه ( طبعا مش بتغلى يعنى لحسن وشك يتحرق لقدر الله وتبقه مشكله وترجعو تقولو انا اللى قلت )
المهم :
بعد حمام البخار هاتكون المسام اتفتحت .. وبشرتك بقت جاهزه لاستقبال الماسك وكمان هايكون الارز الى هوه بقه عجينه بردت .. تفرديها على بشرتك كلها ( وبعيد طبعا عن دايره العين خااالص ) وتسيبى الماسك لغايه لما ينشف خاالص ووقتها هاتحسى ان بشرتك بقت مشدوده مووت.
وبعد ماينشف خاالص ... تغسلى بشرتك بمياه دافيه ومش بارده لان المياه البارده بتقفل مسام البشره .... واحنا لسه مش خلصنا الماسك ..
بعد ماتغسلى بشرتك كويس من العجينه ... هاتجيبى شويه من الارز الى كنتى طحنتيه فى الاول خالص والى عملتى منو العجينه ( يعنى لما تطحنى الرز تسيبى شويه وتاخدى الباقى للعجينه ) وتستعمليه اسكرب للبشره ( يعنى تفركى بيه البشره كلها بس طبعا مش بالجامد قوى لان الرز وحتى بعد مايتطحن بيكون لسه مش ناعم قوى )على قد مابتقدرى يعنى ...
بس خلالاص: واول لما بتخلصى بتغسلى وشك بمياه بارده وكمان بتستعملى مياه الورد ( فى الصيدليات )علشان تقفل المسام اكتر ( بتحطيها على قطنه وتمشيها على بشرتك كلها )
واهم حاجه هوه تقفيل المسام يا بناات لان لو فضلت مفتوحه ممكن جدا تعمل حبوب فى البشره وخصوصا البشرات الدهنيه لان البشره بعد مابتنضف افراز الدهون بيزيد ومع عوامل الجو والتراب البشره بتعمل حبوب
وممكن كمان تقفلى المسام بقطعه ثلج وتمشيها على بشرتك كلها .....
| |
|
bosy_bsbs010
مراقب عام
عدد الرسائل : 317
العمر : 41
تاريخ التسجيل : 25/07/2006
| |
mr_devil
مشرف قسم الاغانى والكليبات العربيه
عدد الرسائل : 411
العمر : 37
تاريخ التسجيل : 05/08/2006
| | موضوع: رد: ماسك الارز لتنضيف البشره ( مجرب 100%) الثلاثاء 8 أغسطس - 22:58 | |
| هههههههه عسل يا عسل بس حزبى يا بوسى | |
|
