اعرفى عريسك بدرى بدرى من طريقة اكله

اعرفي عريسك بدري بدري.. من طريقة أكله ....؟؟؟؟

1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على

طول.. يبقى شخص معتدل في عواطفه وقراراته ويبقى ده آخر الرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقول لك

ازيك يقول لك ريحة التقلية تجنن ياروحي إنتوا عاملين ملوخية على أرانب؟؟..

أموت أنا.. ويقعد ياكل ويحشر لحد ما يغمى عليه.. يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادب ولا مالح ولا

مستوي ولا لسه ني ولا بيعلق أي تعليق.. وعمره مايقولك جعان أو شبعان يبقى

إنسان مالوش لزمه.. وزي قلته.. وأنصحك بدل ما تتجوزيه إتبنيه.. وهاتعيشي إنتي

الراجل والست ف وقت واحد واعملي حسابك هاتركبي وتدلدلي رجلييكي.

4- أما إذا كان بياكل زى مايكون حد بيجري ورااااه وساعة الأكل بيجيله حالة

صرع معوي.. ويقوم من ع الأكل قبل أي حد تاني يبقى متسرع.. ومتهور في اتخاذ

قراراته وممكن بعد الجواااز يكتشف إنك لست ملهمته..ولست فتاة أحلامه ولستِ

حلمه.. ويروح مطلقك بالتلاتة.. إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف

إيه مقاديره ومعمول إزاااي ويقعد يستطعم ف الأكل من العصر للمغرب حاسبي منه

يا اختي ده النوع اللي له مخ.. وبيوزن الأمور بطريقه تفقع المرارة.. ولو في

يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين

وبعدين يقول لك بحبك ويقعد يشوف وقعها عليكي إيه؟؟ نظااااام شلل رعاش

بدري.... بدري....

إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق من

الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو

بياكل لما يغرق وشك أكل...

ده شخص عصبي جدًاااا.. ومع أول خناقة هايروح مناولك بالكرسي ف راسك أو

بالسكينة ف عينك يعمل لك عاهة مستديمة وبعدين.. يهدى.. ويقول لك: "سوووري يا

روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""

7- أما إذا كان دايمًا قرفاااان دايمًا مش عاجبه العجب ولا الصيام ف رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا

صوابع مووووز.. أووووف.. الرز محصويل.. يامَّه المكرونة معجنة.. إذا كان كده

توكلي على الله وهاتي أحمى ساطووووور عندك وأنا أعرف لك واحد محامي هايطلعك

منها زي الشعرة م العجيييين

والأحسن من ده كله.....

مالها القعدة ف بيت أبووووووووكي؟؟

هههههههههههههههههههههه

جميله قوى يا بوسى النصائح دى

وكويس انك نبهتينا ليها بدرى كده قبل ما الواحد يتسرع

وابقى شوفلنا ؤقم المحامى ده علشان يمكن نحتاجوه

شكرا بوسى على موضوعك الجميل

مشكورة اختىn_alex
على مرورك
ولا تحرمينا من طلتك

ليه كده يا اختى
الانسان مش حيوان بياكل وبس
الانسان له جوانب تانيه تحكمى من خلالها لان له عقل مش حيوان
اقولك الاحسن ان فعلا لو فكرتى بالطريقه دى يبقى ماله القعد فى بيت ابوكى

تصدقى انا خدت قرار انى مش هتجوز
يمكن اتجوز يحصلى كدا اروح فين
هههههههههههههههههههههههههههههههههه

انا مش عارف انا مين فى دول
لخبطى مخى بموضوعك
هههههههه

كوووووووووووو

اخى فؤاد موضوع بوسى مش المقصود بيه انه حيوان

واكيد الانسان له جوانب كتير للحكم عليه يكفى ان الله كرمه على سائر المخلوقات بالعقل

واكيد مش بطريقه الاكل نحكمو بيه على الانسان فالشخصيه والاخلاق والاسلوب خير طريق للحكم على الانسان

والا ما كان الله سبحانه وتعالى خلق ادم وحواء وجعل الانسان خليفه له فى الارض

ولكن الموضوع ليس اكثر من هزار

» طريقة عمل البسطرمة في البيت
» طريقة معرفة سيرفر أي موقع على الأنترنت
» طريقة الاكل عند البنات والشباب (بس بدوون زعل)
» طريقة ارسال رساله من دون مايعرف المرسل من انت
» طريقة أهل السنة و الجماعة في عبادة الله